Dine tippoldeborn vil takka deg for investeringa !

Eit heilt nytt skifertak må vel vera den finaste og beste taktekkinga som finnast !    

10x16" lapp samfengd (= usortert)

Garasjetak i Skulestadvegen 126

Ved nye skifertak eller omtekking av gamle bør ein leggja skikkeleg arbeid i undertaket - både materialval og detaljer.  Hugs på at eit nytt skifertak kan få ei levetid på fleire hundre år!  Forenkla undertak bør ikkje nyttast - ein må ha berande sutak(taktro) med diffusjons-open takfolie eller god underlagspapp (avhengig av konstruksjon - lufting over isolasjon).  Byggforsk tilrår impregnert trelast til rekter og lekter, men Riksantikvaren ynskjer uimpregnert - men gjerne malmfuru (av miljøomsyn). 

Ved gjennomtenkt oppbygging av konstruksjonen meiner me at du gjerne kan bruka rekter og lekter i ubehandla gran/furu av vanleg god handelskvalitet.

Taket på Fossastøl er bygd opp med solid bordtak og takfolie (Protan AS), impregnerte lekter og lekter skrudd med teflonbelagte skruar.  (CCA-impregnering inneheld kopar, krom og arsen - ein skal vera merksam på evt. kjemisk reaksjon mot andre metall - bør ma. ikkje kombinerast med aluminium!). 

Det nye undertaket på Fossastøl er i seg sjølv fullverdig taktekking men Vossaskiferen gjer taket langt meir "slitesterkt" mot snø/is, regn og vind. 

Og estetisk er jo skifertaket meir enn sjølvsagt!

Gjenbruk av Vossaskifer

 

Samanlikna med fabrikkprodusert takmateriale vil den handlaga Vossaskiferen bli relativt kostbar.

Dersom du har eit tak som "krev" skifertekking - til restaurering, tilbygg eller nybygg kan det også vera eit alternativ å kjøpa brukt skifer. 

 

Ved kjøp av brukte skiferheller vil det vera avgjerande korleis skiferhellene har vore lagra - direkte kontakt med jord/fuktighet kan ha redusert kvaliteten.

Om du er i tvil om kvaliteten kan du "kakka" på steinen - klår/fast metallisk lyd er eit godt teikn!

 

Det kan også bli naudsynt med skjæring av nye hakk for innfesting / spikring når det skal tekkjast med gamal skifer på nye tak med fast lekteavstand.

Bruk steinskive på vinkelslipar eller dobbelt diamantblad (skiferstift har dimensjon 2,8mm - enkelt diamantblad er oftast for smalt).

Galvanisert skiferstift  2,8 / 45-55-65.  Bruk middels stor penn-hammar med hicoryskaft.

Firkantskifer i større format bør spikrast med særskild "klypp-spikar" og ved tekkjing med store Rastaheller bør du kontakta fagfolk med erfaring.

Byggmeister Stein Oddvar Hanto i arbeid med 8x14" lapp.

Glasiologane (isbreforskarane) brukar kartlav (Rhizocárpon Geográphicum) som eit viktig parameter i si forsking. 

Kartlav veks omlag 1 millimeter i året og slik kan me sjå kor lenge akkurat denne skiferhella har vore i bruk!

 

"Jaktslottet" på Fossastøl er bygd i 1909 og desse skiferhellene er bruka i 100 år.

 

1000 meter over havet, og lokalt er 3 m snø ikkje rekna som uvanleg.

Byggmeister Olav Langesæter i arbeid med gamle 8x14" lapp. 

Byggmeister Bjørn Atle Nesheim tekte mykje skifer i læretida si.

Her har me i tillegg lagt inn plattlodd (blyremse) under mønesteinen som ekstra tetting/sikring.

Prosjekt:

Forsvaret / Bømoen   Voss